Mga kahoy na pinagpatong-patong ang nasa harap nilang lahat. Nakapatong dito ang ilang kasamahan nila at ang katawan ng matandang Vlladimir. Dahil sa pag-atake ng mga kalaban, buhay ng mga ito ang naging kapalit. Tumiim ang anyo ni Torck Loin habang pinagmamasdan ang katawan ng mga itong nasusunog na. Mas lalong nag-uumigting ang pagnanais niyang gantihan ang may gawa nito sa tribo nila.
Hindi na naabutan ng kasunod na araw ang mga ito dahil sa tinamong sugat nang atakihin ang mga ito sa loob ng yungib kung saan nila ginagawa ang ritwal. Buo pa rin ang loob nila na isakatuparan ang huling kahilingan ng matanda, ang ituloy ang ritwal na magbibigay sa kanila ng lakas. Sa kaloob-looban ng binata, papaniwalaan na niya ang pinaglalaban ng matanda, ang pagkakaro'n ng kapangyarihang itim sa pama
