Alas-kuwatro pa lang ng umaga ay mulat na si Hebrew at nakaupo sa harap ng mesa katabi ng bintana. Dalawang tasang kape na ang nakokonsumo niya kaya wala nang bakas ng antok ang kanyang mukha. Malinaw na rin ang kanyang diwa. Ito ay dahil sa project na halos isang buwan nang assignment ng mga editor niya.
Piniga niya ang mga mata at muling tumitig sa monitor, partikular sa Excel file ng distribution ng mga story assignment. Bawat editor sa ilalim niya ay may kanya-kanyang table at sa ilalim ng mga ito ay pangalan ng bawat writer. Ang lead story na halos isang buwan na nilang pinag-aaralan ay ang kontrobersyal na underworld marketplace kung saan matatagpuan ang tungkol sa drug selling, human smuggling, pornographies, at marami pang illegal activities.
May isang pangalan silang binabantay
