Amara
Walang pagdadalawang isip na ininom ni Georgina ang isang shot ng tequila sabay kagat sa hiniwang lemon na hawak nya. Hindi ko sya nakitaan ng pagtanggi sa kanyang mukha. Bahagya lamang na umasim ang kanyang itsura dahil sa lemon na kanyang nalasahan.
“Wohoo! One down!” sigaw ni Georgina
habang sinasabayan nya ang nakakaindak na musika na mula sa kanyang cellphone na nakakonekta sa isang mamahaling bluetooth speaker.
Nakakaisa pa nga lang sya ay parang tinamaan na agad sya ng alak? Paano pa kaya kapag nakarami na sya?
“Pinapayagan mo na ang kapatid mong uminom? Napakabata pa nya?” pag-aalala ko.
Umiling naman sa akin si Galvert.
“Syempre hindi. Papayagan ko lang sya kapag ako ang kasama nya. She is not allowed to drink with her friends. Okay lang magpakalasing sya ngayon dahil
