Amara
Isang magandang umaga ang bumungad sa akin dito sa isla ng mga Monreal, ngunit kasabay ng maaliwalas na panahon ay dinig na dinig ko ang matining na boses ni Georgina na tila ba inis na inis ito.
Alam kong nakikipagtalo syang muli sa kanyang kuya Galvert. Mukhang inaasar na naman sya ng kanyang kuya. Napapailing na lang ako sa tuwing ganito palagi ang eksena nila sa mansyon. Pero kahit na mapang-asar si Galvert ay hindi naman makakaila na malaki ang pagmamahal nya sa kanyang kapatid na babae.
Nagbabaksyon kami dito sa isla upang magkaroon pa ng sapat na oras para sa aming pamilya. Simula ng mapabilang ako sa pamilyang ito ay hindi ko na kailanman naramdaman na nag-iisa ako. Alam kong katuwang ko na sila habang buhay.
Nagpapasalamat ako kay Nanay Amanda na syang nagbigay sa akin n
