Galvert
Hindi pa nga namin nakikita ang katawan ni daddy ay may isang balita na naman ang bumungad sa amin.
“What? Nasan na sya ngayon? Nahuli ba ang driver ng van? Si Ernest kasama ba nya? Bakit nya pinabayaan si Amara?” Nag-aalala kong tanong.
Hindi kumikibo si Alodia na syang kausap ko sa kabilang linya. Napatayo ako sa kinauupuan ko at hindi mapakali ang aking utak dahil sa balitang naaksidente si Amara.
Nabangga sya ng van habang papasok sa kanyang pinagtatrabahuhang fast food chain.
Walang malay si Amara at duguan ang kanyang noo nang isugod daw sa ospital.
Bigla na lamang rumagasa ang luha sa mga mata ko.
“Kumalma ka muna Galvert. Hindi yan makakatulong sa problema natin ngayon. Hindi rin nahuli ang driver ng van pero nakareport na ito sa police station.” Pagbabalita ni Alod
