Galvert
Sa kabila ng mga negatibong bagay na nangyayari sa amin ay lumutang naman ang isang magandang balita. Tinawagan ako ni mommy upang ipaalam sa akin na nahanap na nila si Daddy.
Buhay si daddy.
Napadpad sya sa isang masukal na isla na malayo sa pinangyarihan ng aksidente. Malamang ay lumangoy palayo si daddy at doon sya napadpad.
Masasabi kong isang milagro ang nangyaring ito sa buhay ng daddy ko dahil binigyan pa sya ng isa pang pagkakataon upang mabuhay.
Apat na araw na namuhay mag-isa sa isla ang daddy ko at labis daw ang kanyang dasal na sana ay may dumaang mga bangka, barko o chopper man lang sa islang iyon. At tinugon naman ang kanyang dasal. Pati na ang aming mga dasal ay tinupad ng Diyos.
Totoo ang himala. Totoo na may Diyos na syang nagbibigay tugon sa ating mga dinara
