SAMUELLE
PANAY ANG SULYAP ko sa aking asawa na abala ito sa kanyang laptop. Samantala, dito lang naman ako sa bandang sulok at nakaupo lang. May maliit na lamesa na nilagay naman ni Louise. Iyong gagawin ko lang, titigan maghapon ang magaling kong asawa.
"Baka sumasakit na ang puwet mo kakaupo niyan," mahinang saad ni Rhenz pero ang mga mata nasa laptop.
Tumikhim naman ako. Second day ko na dito sa office niya. Kahapon, ganito rin ang ginawa ko. Sumasakit na rin ang likuran ko.
"G-Gutom na ako," mahinang turan ko naman. Nakaramdam na rin ako ng antok. Paano ba naman hindi antukin, nakaupo lang ginagawa ko.
"Tawagan ko lang si Louise para ikuha ka ng pagkain," anito.
"S-Samahan na rin ng alamang!" Pahabol ko naman.
Kinuha ko muna ang cellphone ko at nanuod na lang ng movie. Maya-maya
