Hinatid siya ng mga kaibigan hanggang sa likod ng backstage. Ngunit malayo pa lamang sila sa pinto ay naririnig na nila ang mga angil mula sa ibang mga estudyante na galing na mula na sa loob ng backstage.
“Iisa lamang daw na alalay bawat contestant ang maaaring sumama!” pahayag ng mga ito habang papaalis.
“Ano ba naman ‘yan!” Si Ruan ang unang umangil na napahinto pa talaga mula sa paglalakad. “Paano ba ‘yan, Emrys?”
Tipid na ngiti ang rumihestro sa gilid ng kaniyang mga labi. “It’s okay, guys…” Naiintindihan niya naman. Mas mainam nga ang gano’n na set-up. “Ayos ‘yan, para ma-cheer niyo ako sa bangko!” Pilit niyang pinasigla ang kaniyang boses.
“A-Are you sure, Emrys?” naninigurong tanong ni Emanya sa kaniya. Inabot nito ang kaniyang palad at hinawakan
