“Hala! Ang ganda-ganda mo naman, Emrys!” pagtitili ni Gorgie nang tuluyan siyang makababa mula sa hagdan.
Natatawang naikiling niya na lamang nang bahagya ang kaniyang ulo sa bandang kanan.
“May nanalo na,” naiiling na sambit ni Emanya pagkatapos niyang makalapit nang tuluyan sa pinakahuling baitang mula sa itaas.
Inikot niya ang mga mata sa ere. “Nanalo ka riyan,” saway niya rito. “Kinakabahan na nga ako, eh. Pagkatapos dadagdagan mo pa talaga…” Napahawak siya sa kaniyang dibdib.
Tinawanan lamang siya ng mga ito.
“Nagsasabi ng totoo ang mga kaklase mo, anak,” biglang sambit ng kaniyang ina na ikinatigil niya. Nahiya siyang bigla rito.
“Sasama po ba kayo ni papa, ‘ma?” umaasang tanong niya sa kaniyang ina.
Humugot ito ng isang malalim na hininga bago nagsa
