“You have to treat us, Emrys, kapag nanalo ka na.” Nanlalaki ang mga mata niya nang mag-angat siya ng paningin kay Ruan. Muntikan pa siyang mabulunan dahil sa sinabi nito.
At hindi tuloy siya nakapagsalita agad.
“Bakit natigilan ka na riyan?” nakatawang tanong sa kaniya ni Ruan. “Parang ‘yon lang naman.” Nagawa pa talaga siyang pagtawanan nung mga apat.
Ipinaikot niya ang kaniyang mga mata at pinagpatuloy ang pagkain na para bang walang nangyari. “Kahit pa,” tanggi niya sa mga ito na sinabayan niya ng iling. “Wala akong natatabing pera at hindi rin ako mayaman.”
Isang mahinang batok ang natanggap niya mula kay Gorgie. Napairing tuloy siya sa inis. Namumuro na talaga ang mga ito sa pagtarget sa kaniya pagdating sa libre. Sabagay ay hindi rin naman siya bumibigay. Iyon ang pinakaimpo
