Camille’s POV
Mayroon na akong lahat ng maaaring pangarapin ng isang babae isang mapagmahal na asawa, napakalaking bahay na parang palasyo, maraming kasambahay na laging handang tumulong, chef cook na araw-araw naghahanda ng paborito kong pagkain, at higit sa lahat, walang problema sa pera.
Pero kahit gaano karami ang yaman at kaginhawaang meron ako ngayon, may isang bagay pa rin na hindi ko makuha… isang bagay na pareho naming pinapangarap ni Damon ang magkaroon ng anak.
Minsan, habang nakaupo ako sa malaking sofa sa living room namin, tanaw ang malawak na hardin mula sa bintana, hindi ko maiwasang mapahawak sa tiyan ko.
Iniisip ko kung kailan ko mararamdaman ulit yung paggalaw ng munting buhay sa loob ko. Kung kailan ko maririnig ang tawag na "mommy" mula sa maliit na boses ng anak
