Kabanata 31
Mabilis ang paghinga ko ng matapos si Travis magsalita sa harap. May mga sinabi siya tungkol sa school at pag welcome sa mga bagong teacher pero wala na akong maintindihan.
Kapag nagtatama ang mata namin ay sandaling tumitigil iyon sa akin. Hindi ko alam kung sinasadya ba niya o talagang napapatigil siya.
Nang matapos siyang magsalita ay kaagad siyang binati ng ibang teacher habang lumabas na ang iba, mabilis akong tumayo upang makaalis sa lugar na iyon.
"Ma'am Sascha saan ka pupunta?" humarang si Lia sa dadaanan ko. Hinawakan niya ang braso ko habang kumikinang ang kaniyang mata. "Tara lapitan natin si Sir," excited na aniya.
Kaagad akong umiling. "H-Ha? Huwag na. Naiihi na ako."
"Tara na Ma'am Sascha, sandali lang tayo papakita lang tayo kay Sir para makilala ka niya,"
