"Ang galing mo, ah? Akala mo ay ganoon lang iyon?" Inungasan ko ito at bahagyang itinulak, "Well, hindi pa kita pinapatawad kaya manigas ka riyan."
Bago pa man makapagsalita si Asher ay maagap akong bumangon mula sa pagkakahiga. Wala na itong nagawa nang makatayo ako at deretsong lumabas ng kwarto nang hindi siya nililingon.
Sa paglalakad ay hindi mapigilang umalpas ng ngiti sa labi ko, na kahit anong gawin kong pagpapakalma sa nag-uumapaw kong puso ko ay hindi ko magawa.
Noon pa man ay alipin na talaga ako ni Asher. This is so unfair, really unfair.
Mas lalo lang yata akong lumulubog sa pagmamahal ko rito, iyong pagmamahal na akala ko ay nawala na noon at tuluyang natupok ng galit ngunit nagkamali ako.
Sa kailaliman pala ng puso ko ay naroon pa rin ang mumunting pag-asa— umaasa na sa
