Hindi makatulog si Charmie. Nakatitig lang siya sa dilim, tahimik ang buong kuwarto—tanging mahihinang tunog ng aircon at ang halos sabay nilang paghinga ni Grae ang naririnig niya. Magkatabi sila sa kama, magkatalikod pero alam niyang gising pa ito.
Nararamdaman niya, yung paraan ng paghinga nito na hindi pa steady, hindi pa malalim. Parang nakikiramdam, parang naghihintay
at siya rin, hindi niya alam kung anong mas mabigat sa dibdib niya, ang mga nalaman niya kanina…o ang mga sinabi nito ng huli.
“I’m falling in love with you… hard.”
Napapikit siya, dapat kinilig siya, dapat ngumiti siya, dapat… masaya siya pero hindi. Hindi iyon ang nararamdaman niya.
Ang bumabalik sa isip niya ay hindi ang boses ni Grae na puno ng emosyon. Kundi ang tunog ng putok ng baril, ang dugo, ang sigaw ni
