Lexie’s POV
Kasalukuyan akong nakaupo sa silya dito sa balcony ng kwarto ni Cedric, para akong tanga na nakatulala sa kawalan. Labis kasi akong naguguluhan sa nararamdaman ko, mahal ko na yata si Tanda. Tumingala ako at malungkot na tumanaw sa bughaw na kalangitan, naguguluhan kasi ang isip ko kung ano ba dapat ang kailangan kong gawin.
Ngayong natunton na ng mga kalaban ang kinaroroonan ko ay malaki ang posibilidad na madamay ang mga inosenteng tao sa paligid ko. Kilala ko ang karakas ng mga kasamahan ko, mga halang ang kanilang kaluluwa, kahit ang isang sanggol na walang muwang ay kaya nilang patayin.
Bigla akong napabalikwas mula sa aking kinauupuan nang makarinig ako ng magkasunod na putok. Mabilis akong lumapit sa rails at sumilip sa ibaba ngunit bigla akong napaatras ng paulanan a
