“MAS okay kung ‘di ka na lang kumanta,” comment ni Lara, nakasiksik siya sa tagiliran ni Miguel, pinipilit ang sariling makatulog uli. Nakahiga si Miguel na lapat na lapat sa kama ang likod. Nasa ibabaw ng dibdib nito ang unan, doon nakapatong ang braso niya. Tig-isa sila ng earphones. Ang nagpi-play na kanta, ang laging pinapakinggan ni Miguel kapag matutulog na sila—Find Me ni David Gates.
Ramdam ni Lara na may effect din sa kanya ang kanta. Nagiging calm siya, pati na ang heartbeat niya. Hindi nga lang niya mapigilan mag-react kapag sumabay na si Miguel. Kung sa boses ni David Gates ay hindi namamalayan ni Lara na lumalapit ang antok, sa boses ni Miguel, nabubulabog ang senses niya. Wala sa tono! Sa kabila ng sitwasyon, natatawa si Lara.
“Makikinig ka na lang, nagrereklam
