NAG-COME UP kami ni Miguel sa idea na may last drop talaga ang death mark. Nasa akin ang unang dalawang patak pero ang huli, may ibang plano si Dante. Wala kaming mahanap ni Miguel na paliwanag kung bakit three years later, nag-change mind ang baliw na ghost. Si Miguel na ang gustong markahan ng deadly mark. At ako? Gusto yata ng hayup na ang sanity ko na ang bumigay. Mga kaibigan na ang ginawang characters sa nightmares ko.
Pero sa pagkamatay ni Sophie at sa mga printed photos na walang mukha ang mga friends namin ni Mig, hindi mawala sa isip at puso ang takot ko. Pakiramdam ko, nagsisimula pa lang si Dante sa panggugulo sa aming lahat. Sana lang talaga, si Sophie lang ang naging biktima niya. Sana, ligtas sina Lenna at Annie. Parehong walang reply ang dalawa sa private messages a
