Ereneya’s POV
“ANG MABUTI pa ay magpagaling ka muna bago ka bumalik kay Res, Ereneya.” Nilingon ko si Almani at masayang niyuko niya ako at niyakap.
“Hindi na ako makapaghintay na makabalik, Almani. Alam kong labis ng nag-aalala sa akin si Res. Kung hindi ma’y alam kong nagagalit na siya ngayon sa akin. Batid mong mabilis ang oras sa mundo ng mga tao…”
“Naiintindihan ko, Ereneya. Isa pa’y nasisiguro kong nasasabik ka nang makitang muli si Res.”
Masaya akong ngumiti kay Almani. “Hindi mo na kailangang sabihin.”
“Paano mo ipapaliwanag ang mga sugat mo sa katawan? Tiyak kong mas lalo lamang magagalit si Res kapag nakita ang mga latay ng latigo na iyan.”
“Ako na ang bahala sa mga sugat na ito, Almani. Nais ko pang makasama kayo ng mas matagal ngunit kailangan ko nang makabalik agad
