[CYRUS LEI'S P.O.V.]
Nagising ako nang marinig ko ang boses ni Kyde. Hindi ko akalain na mauunahan nila kami sa plano namin. Akala ko ay ayos na ang nagawa naming plano at maiisahan na namin ang mga kalaban. Pero nagkamali ako. Hindi na rin nakapag-isip ng isa pang plano si Kyde. Miski ako ay hindi na nakapag-isip pa at sinunod na lang ang naplano ni Kyde. May mali rin kami dahil hindi kami nag-ingat sa kilos namin kaya kami naisahan ng mga kalaban.
Nang makarating ako sa lugar kung nasaan si Farrah ay may mga tauhan na agad na nag-aabang sa akin. Lumaban ako pero hindi ko nakayanan dahil madaya sila. Sinabi nilang papatayin nila si Peony kapag hindi ako sumama sa kanila. Natakot ako lalo na at alam ko rin na hindi pa kayang lumaban ni Peony sa kalagayan niya. Kaya naman ay hindi ko na
