[KYDE FRANCIS' P.O.V.]
"Naalala mo pa ba ako, Francis?"
Hindi ako makapaniwalang nakikita ko siya ngayon dito mismo sa harapan ko. Tiningnan ko ng mabuti ang mukha niya. Baka kasi nagkakamali lang ako kaya kailangan kong makasigurado kung tama ba ang nasa isip ko ngayon. May hinahanap ako sa kaniyang mukha. Nasaan na---
"Hinahanap mo ba ang peklat sa mukha ko?" tanong niya sa akin. Si Scander... siya ang batang kasama ko noon. Bigla ay naalala ko ang mga nangyari 20 years na ang nakalipas. Hindi ko inaasahan na siya pa ang makakalaban ko ngayon. Naguguluhan ako at hindi ko malaman kung ano ang mararamdaman ko at ang dapat kong gawin.
"B-bata! Tulungan mo ako ilabas ang mommy ko rito! Nasusunog na ang beach house." May isang batang lalaki ang nagmamaka-awa na tulungan ko siya. Dadalhi
