At sa isang iglap, tuluyan nang umalis si Maya sa condo niya. Pati na rin sa buhay niya. Inaasahan na ni Hunter iyon ngunit hindi niya mawari kung bakit nakakaramdam pa rin siya ng kirot sa tuwing naaalala niya kung gaano sila kasaya. Halos umikot na ang mundo niya kay Maya at ito na ang naging tahanan niya kahit sa loob lamang ng sandaling panahon. Pero ngayon, dahil lang ayaw nitong makinig at napakatorpe niya, nawala na ang lahat. Sinubukan niyang tanungin si Bonnie kung nasaan ito. Hindi man nito direktang sinabi ay alam niyang nakikitira muna ito sa mag-asawa. Wala siyang shooting nitong mga nakaraang araw kaya naman dumadalaw siya roon pero tinataboy siya ni Bonita. Ayaw raw na makipag-usap ni Maya sa kanya.
Kahit naman abangan niya na mag-isa na lang ito sa labas ay hindi niya maga
