Nanlalabo ang mga mata ni Maya habang inaayos ang kanyang mga gamit na dadalhin niya sa ibang bansa. Nang makarating sa Baguio ay kaagad niyang pinakausap sa kanyang ina na nasa ibang bansa na kuhanin siya para kaagad siyang makapagtrabaho roon. Doon na ito nanirahan kasama ang foreigner na naging kalaguyo nito bago sila iniwan ng kanyang Papa. Bagaman labag sa loob ng kanyang ama ang kanyang ginawang hakbang ay wala na itong nagawa dahil kailangan nila ng pera. At kailangan niya na makalayo.
Pagkatapos niyang matawagan ang kanyang ina habang nasa daan sila ni Alexander ay pinatay niya ang kanyang smartphone. Hanggang ngayon ay hindi niya iyon binubuksan. Hindi rin nanonood ng balita sina Chona at Lita dahil na rin ayaw ng mga ito na maapektuhan siya ng mga tsismis na hiwalay na sila ni H
