Chapter 66
"Anak ko..." lumitaw ang ina ni Regiena, ang Mahiwagang Babaylan sa impyerno habang aandap- andap ang liwanag na nagmumula rito.
"Ina? Anong ginagawa mo rito?" Tanong niya rito.
Hinawakan nito ang kanyang mga kamay. "Anak ko kailangan mong lumaban. Hindi ka pwedeng mamatay. Kunin mo ang lahat ng liwanag, lakas at buhay sa katawan ko. Mabuhay ka. Kailangang mapalabas natin na hindi ka kayang saktan at patayin nila Satanas. Sa gayon ay hindi ka na nila sasaktan. Siguradong gagawa sila ng ibang paraan tulad ng pagbura ng alaala mo."
"Pero paano ka ina? Paano ka na kapag binigay mo sa akin ang lahat ng liwanag, lakas at buhay mo?" Umiiyak niyang tugon dito habang para siyang kandila na nauupos.
"Masaya na akong makita ka anak ko. Kung saan man ako mapunta ay patuloy kitang bab
