Chapter 59
Nagising si Suzanne sa kalagitnaan ng hating-gabi nang makaramdam siya ng panunuyo ng lalamunan. Dahan-dahang siyang lumabas ng kwarto upang hindi makalikha ng ano mang ingay. Baka makaistorbo sa mga kasamahan na kasalukuyang mahimbing na ang tulog sa mga oras na 'to.
Malapit na siya sa kusina nang may napansin niyang bahagyang nakabukas ang pinto ng isang kwarto.
Opisina ni Marco ang kwartong 'yon.
Gising pa si Marco sa mga oras na 'to? Sa isip ni Suzanne.
Hindi na niya sana ito papansinin at didiretso na lang sa pagbaba nang bigla niyang narinig na may nag-uusap sa loob ng kwartong 'yon.
"Hanggang kailangan mananatili ang babaeng 'yon dito? Mukhang wala ka namang balak asawahin ang babaeng 'yon," Sabi ng may katandaang boses ng isang lalaki.
Ako ba ang tinutukoy ng ma
