“THAT’S enough,” saway ni Diody kay Moira, tinangka pa nitong agawin ang hawak niyang baso na may lamang beer.
Kunot ang noo na tiningnan niya ito. “Bakit ba?”
Nasa isang karaoke bar sila sa may Taft Avenue. Pagkatapos ng klase nila kanina ay niyaya niya ang mga ito na lumabas, pinagbigyan naman siya ng grupo.
“Ang dami mo nang nainom, eh,” ani Diody na sinubukan uling kunin sa kanya ang baso pero umatras siya palayo rito.
“Oo nga, namumula ka na, eh,” segunda naman ni Loisa. "Tama na 'yan."
Tumawa siya nang malakas at hinawakan ang kanan niyang pisngi. “Ano ba'ng namumula? Blush on ko lang ito."
Napailing si Loisa, tila nakukonsume na ito sa kanya. Tinalikuran siya ng babae, at naka-krus ang mga braso sa tapat ng dibdib na naupo ito sa tabi ni Tine.
“Last bottle mo na `yan, ha? K
