MARAHAN na kumatok si Slater sa partition wall ng isa sa mga cubicle sa Surgical ICU ng AFPMC. Napaangat ang tingin ni Rochelle nang marinig iyon. Nakaupo ang babae sa tabi ng bed na kinaroroonan ng nobyo nito.
"Hi," aniya na lumapit sa babae. Nakaramdam siya ng awa sa babae, namumugto ang mga mata nito at mukhang wala pa itong tulog. "Kumusta siya?"
Dumako ang tingin niya kay Major Amante. Intubated ang lalaki at ilang IV medications ang nakakabit rito. May mga wound dressing ito sa lugar kung saan tinamaan ng mga bala ang lalaki at nakabenda pa ang uli nito na kakaopera lang kagabi. Ang sabi ni Rochelle pitong tama ng baril tinama ng lalaki, bukod sa mga gunshot wound ay may head trauma din si Major Amante. Nang bumagsak daw ang lalaki ay tumama ang ulo nito sa isang malaking bato. Nag
