“SA WAKAS makakapag-pahinga rin ako ng mahaba-haba! Thank you, Sir Slater!” ngising-ngisi na sabi ni Charmie nang lingunin siya nito.
Naglalakad sila sa lobby palabas ng ospital, katatapos lang noon ng duty nila.
“At ako naman ang pahihirapan mo,” hindi maipinta ang mukha ni Pinky. Pinagbigyan ni Slater ang pakiusap ni Charmie na pagtabi-tabihin na lang ang tatlong off nito sa linggong iyon upang makasama ang babae sa reunion ng pamilya nito at dahil doon ay naging straight na limang araw naman ang duty ni Pinky.
“Don’t worry, sa susunod ikaw naman ang pagbibigyan ko,” ani Slater at tinapik pa ang balikat ni Pinky.
“Aba, dapat lang, Sir! `Asan ang hustisya kapag hindi ninyo `yon ginawa?” pakli naman ng babae.
Nangiti lang siya sa sinabi nito. “Saan ba ninyo gustong kumain?” pag-iiba
