PAGKALABAS-labas ni Slater ng pantry ay agad niyang nakita ang bantay ng pasyente na tinutukoy ng aid nila. Nakatayo ito sa malapit sa may nurse station at kaharap sina Irish at ang isang senior nurse nila.
"I'm sorry po," naabutan niyang sinabi ni Irish na yumuko pa.
"Excuse me po," aniya na sapat lang ang lakas ng tinig para marinig ng bantay. Naalala niya na isa ito sa mga ipinakilala ni Liza sa kanya noong Biyernes. Ayon kay Liza ay anak ito ng pasyeteng si C-1 ODF Mr. Santos. Noon pa raw ay labas-pasok na ang ama nito sa ospital. Ngayon nga raw ay magta-tatlong linggo nang naka-admit ang ama nito sa ward.
Napabaling ang tingin ng mga ito sa kanya.
"May problema po ba, Sir?" kunot ang noo na tanong niya. Nakatingin siya sa bantay ng pasyente.
"Sir, ako po ang bantay ni Mr. Santos
