PINUNO ni Slater ng hangin ang kanyang dibdib habang nakatingin sa madilim na kalangitan. Nasa balkonahe siya kasama ang kapatid niyang si Jedi, at ang bayaw na si Edmund. Nang malaman ng dalawa pa niyang kapatid na umuwi siya sa bahay ng mga magulang nila ay nagtungo rin ang mga ito rito kasama ang sarili nitong mga pamilya. Bihira lang siyang umuuwi kaya naman kapag naroon siya ay sinasamantala iyon ng mga kapatid niya para makasama siya. Malaki naman ang kanilang tahanan kaya walang problema kung naroon ang pamilya nina Jedi at Shielah. Tanging si Bea, at ang asawa't mga anak nito ang wala doon.
Napahinga siya nang malalim nang maalala ang tagpong inabutan kaninang umaga. Pagkatapos niyon ay nagkulong na ang kanilang ina sa kwarto. Ilang beses na sinubukan nila na kumbinsehin ang matan
