Bagama't pormal at mayos naman ang pagwelcome sa kanya ng mga magulang ni Chino ay hindi pa rin naiwasan ni Rowella ang makaramdam ng hiya. Mukhang ikinagulat ng mga ito ang natuklasan na may nobya si Chino at isinama pa mismo nito sa pag-uwi. Inisip na lamang niya na marahil ay normal na reaksiyon lamang iyon ng mga magulang kapag may ipinapakilalang nobya ang mga anak.
Saka hindi ba siya nanonood ng teleserye? Hindi ba ay ganoon naman ang karaniwang nangyayari? Madalas ay hindi nagugustuhan ng parents ang mga nobya ng mga anak? Lalo na ang nanay na aastang kontrabida at gagawin ang lahat ng paraan upang hindi makatuluyan ng anak ang nobya.
Habang kumakain ay hindi tuloy napigilan ni Rowella ang sarili na lihim na pag-aralan si Beatrice. Nakangiti itong nakamasid sa kanila ni Chino ngun
