Hapong hapo si Chino matapos niyang ibagsak si Rowella sa ibabaw ng kanyang kama. Kung kanina ay nahirapan siyang ilabas ito sa bar ay mas lalo na nang ipasok niya ito sa loob ng unit niya. Panay ang pagpupumiglas nito. Napakasadista pa ng mga kamay, nagawa siya nitong hampasin at kalmutin. Panay naman ang ilag niya.
Ipinagpasalamat niya talaga na tinawagan siya ni Trixie nang gabing iyon. Mabuti na lang ay naisipan niyang ibigay rito ang number niya kagabi noong nagtangka siyang kausapin si Rowella at hindi siya nito hinarap. Kung nasa bar ito hanggang ngayon ay malamang na kung ano-anong kalokohan na ang mga nagawa nito roon.
"Stay there and don't dare to get up," bilin niya rito. "Kukuha lang ako ng pamunas at maligamgam na tubig para mahimasmasan ka."
Parang batang pinaningkitan l
