"Chino, wala na si Johnson... Wala na siya..." Ang parang batang balita ni Claire kay Chino na hilam ng luha ang mga mata.
Mas lalong hinigpitan ni Chino ang pagkakayakap rito at inalo. Nasa bahay siya ng dating nobya. Ang kapatid nitong si Lisa ang tumawag sa kanya. Ipinaalam nito ang nangyari kay Johnson, ang asong ineregalo niya kay Claire noong first year anniversary nila. Chihuahua ang breed noon at light orange brown ang kulay.
Mahal na mahal nila iyon, lalo na ni Claire na parang anak na ang turing sa alaga. Kaya nuunawaan niya ang sakit na pinagdadaanan nito ngayon.
Nagkaroon raw ng gastrointestinal disease si Johnson. Ilang araw itong pabalik balik sa pet clinic upang ipagamot ngunit hindi na naagapan ang sakit nito. Bumigay ang katawan nito at kaninang umaga ng madaling araw
