Selos
GAYA nang nabuong desisyon sa isip, naging sunud-sunuran na si Luisa sa lahat ng gustong ipagawa sa kanya ng tiyuhin. Hindi lang upang hindi na madagdagan pa ang mga pasa niya sa katawan kung 'di upang mapag-ingatan ang bata sa kanyang sinapupunan. Kung magagalit na naman ang tiyuhin sa kanya ay baka tumama sa sikmura niya ang kamao nito. Hindi dapat masaktan ang anak niya. Iingatan niya ito hanggang sa lumakas at kumapit sa kanyang maigi.
Kumakain na siya sa oras. Ang mga de lata at gatas na inuuwi ng tiyuhin na hindi niya ginagalaw ay kinakain na niya ngayon. Kahit tila isang bilanggo sa loob ng bahay ay nagagawa niyang magpa-araw. Tinatanya niya ang oras na pasikat ang araw kung maglaba upang makakuha ng bitamina mula sa araw ang kanyang katawan. Nasa loob niya ang sanggol na ma
