Katapusan
DAHIL sa biro ng mga kasugalan ay nagpasya si Carlos na huwag ipahalata ang nararamdaman. Hindi na siya dumadaing na may iniindang pananakit. Kahit muli na namang umatake ang tiyan ay hindi pa rin siya pumayag magpagamot, at pinatigasang huwag magpadala sa hospital. Natatakot siyang kapag nalaman ng mga kapitbahay lalo na ng mga nasa sugalan na naospital na naman ay may pumalag na sa kanya. May lumaban na dahil mahina na siya. Lalo na siyang nag-alala na baka lumakas ang loob ng mga may kursunada kay Luisa at bantingin ito. Ayaw niyang may ibang lalakeng lalapit, o kakausap dito.
"Madaling takutin si Luisa. Baka may tarantadong pumapel sa kanya at takutin siya. Baka sa takot ay sumama naman at iwanan na lang ako. Hindi ako makapapayag. Akin lang si Luisa. Akin!"
Hindi na tuma
