PAGPASOK NI Zea sa apartment, sinalubong siya ng kadiliman. Marahil ay natulog na si Diana.
Ayaw niyang gambalain ito, kaya dahan-dahan niyang kinuha ang cellphone at binuksan ang flashlight. Diretso siyang naglakad patungo sa kwarto niya.
Ngunit natigilan siya nang biglang sumindi ang mga ilaw. Agad niyang pinatay ang flashlight at dahan-dahang lumingon.
Naroon sina Rowin at Diana, nakaupo sa sofa, with their arms crossed on their chests. They have the detective look on.
Pareho silang nakatitig kay Zea nang seryoso, para bang may mabigat siyang kasalanang nagawa.
“Akala ko natulog ka na, Diana,” maingat na sambit ni Zea.
Umiling lang si Diana at lalo pang tumalim ang titig.
“Uh… bakit kayo nakaupo rito sa dilim?” tanong ni Zea.
“Naghihintay sa iyo,” sagot ni Rowin.
Napakunot ang
