Chapter 32
Naiilang ako sa titig no Azrael habang tahimik akong kumakain. Dahan-dahan lang ako sa pagkain, pero alam kong nakabantay siya. Nag-request ako ng isa pang bowl at agad naman nila itong dinala. Nag-alok si Azrael na susubuan niya ako pero agad kong tinanggihan. Kaya ko namang kumain mag-isa.
“Quit the stare,” sabi ko, habang may pagkain pa sa bibig ko.
Aakmang magsasalita na siya nang biglang tumunog ang phone niya mula sa center table. Kinuha niya ito at binasa ang mensaheng agad nagpabago sa ekspresyon niya.
Nagtaka ako. Gusto ko siyang tanungin pero pinili ko na lang ang manahimik.
Biglang bumukas ang pinto at napalingon siya roon. Lumingon din ako at nakita naming pumasok si Lucius at Ghijk.
“It’s time for us to settle this whole thing,” sabi ni Ghijk.
