NAPAHINGA ako nang malalim matapos kong makausap si Daniel sa cellphone. Kinumusta ko ang resort at sinabi niyang maayos naman ang takbo ng lahat, manageable, walang problema. Kahit papaano nakabawas iyon sa dami ng mga iniisip ko.
Maingat ko nang ibinalik ang cellphone sa bedside table.
Humiga akong muli sa kama. Past 7 na ng umaga. Alam kong kailangan ko nang bumangon, pero wala pa akong gana at mas gusto kong humiga lang muna kahit sapat naman ang tulog ko.
Naisip kong ngayon lang ulit ako nakatulog nang mahimbing simula nang maospital si Dad dalawang linggo na ang nakalipas. Simula kasi noon, parang parati na akong may mabigat na dala sa dibdib ko, dahil sa takot at pag aalala kay Dad.
Unti-unting pumasok sa isip ko ang mga gagawin ko sa araw na ’yon. Office muna, meeting, tapos d
