CHAPTER 6
PAGDATING ko sa bahay ni Dad, na ilang taon ko ring naging tahanan noon bago ako sinama ni Mom papuntang States, agad niya akong sinalubong na may halong pag-aalala sa mukha.
“Anak!"
"Dad!" Agad kong niyakap si Dad. Pakiramdam ko ay naibsan kahit papaano ang mga alalahanin ko nang mayakap siya. Bihira ko lang siya makita sa buong buhay ko kaya bigla ako nakaramdam ng saya sa puso ko ngayon.
“Are you okay now? Kumusta na ang pakiramdam mo?” Tanong niyang nasa mga mata ang pag-aalala.
“I’m fine, Dad. Medyo sumakit lang ang ulo ko kanina, pero okay na po ako ngayon.”
“Sigurado ka ba, Maria?” Napakunot ang noo niya at maiging tiningnan ang mukha ko. “You look pale. Nakakakain ka ba ng maayos sa hotel?"
"Of course Dad, wala nga akong ginawa doon kundi kumain eh!" Bahagya akon
