Pagdating ko sa bahay ay ang galit na mukha ni Daddy ang sumalubong sa akin. Dalawang beses akong napalunok at hindi ko masalubong ang mga tingin niya.
“Saan ka galing, Lily?” nagtatagis ang mga bagang na tanong niya. Muli akong napalunok. Sa unang pagkakataon ay natakot ako ng ganito sa Daddy ko at nakalimutan ko na yatang magsalita.
“I am asking you, Lily Eshtrin! Saan ka nanggaling?!” mas may diin na ang tanong niya at hindi talaga maikakaila ang galit.
“S-Sa bahay po ni Charlie, Dad…” napilitan kong pag-amin. Kapag ganito na kagalit si Daddy ay mas mali kung magsisinungaling pa ako. Siguradong mas malaking gulo ang mangyayari kung sakali.
“So, it’s true. May gusto ka nga sa lalaking iyon kaya–”
“No, Dad! I don’t like him! Wala po akong gusto sa kaniya,” tanggi ko agad. Sinikap kon
