(There is no true love without jealousy)
AYVA’S POV
NAKAKAINIS mang isipin pero tumatak sa isipan ko ang halik na pinagsaluhan namin ni Calix nang nagdaang gabi. Hindi na ito nagtagal pa sa bahay matapos kong iwan ito sa guest room. Agad itong nagpaalam sa akin saka lumabas na ng bahay. Parang wala itong amats sa rami ng ininom na beer. Mukhang effective ang ipamukha sa lalaki kung ano ang kaibahan ko at ni Raine.
Si Raine ay ang tipo ng babae na magugustuhan ng kahit na sino samantalang ang itsura ko bilang si Ayva ay papalarin na lang na makahanap ng isang makahanap ng lalaking hindi pisikal na any pang pagbabasehan.
Kay hirap balewalain ang malakas na pagkabog ng dibdib ko sa tuwing malapit ang katawan ni Calix sa akin lalo na nang paulit-ulit nitong sakupin hindi lang ang mga labi
