Mabilis na ring sumakay si Gilliane sa ambulansiya
upang makaalis na sila kaagad. Sebastian was giving the EMTs rapid-fire orders. Isinilid ni Gilliane ang card sa kanyang bag bago niya sinimulan ang pagtulong. Hindi na muna niya tinanong si Sebastian kung okay ito. Alam naman na niya ang sagot sa tanong na iyon. Mas mahalaga rin sa mga oras na iyon ang pinsan nitong si Kier.
Hindi ito okay. Marami siyang tanong tungkol kay Monica. May mga damdaming umuusbong sa kanyang dibdib na hindi niya gaanong maintindihan, hindi malaman kung paano pakikitunguhan. Itinuon na lang muna niya ang buong isipan at lahat ng enerhiya sa kanilang pasyente.
Mabilis silang nakarating sa Dr. Amadeo Dizon Memorial Hospital. Nakaabang na rin si Jerome sa bungad ng emergency room kagaya ng sabi nito kanina. Nau
