"You're a very good cook, Gilliane. This tastes so good."
Kaagad nabali ni Gilliane ang pangako sa sarili na hindi na pagsisilbihan ang sino mang lalaki. Hindi naman niya pinagsilbihan si Sebastian, iyon ang sabi ng isang bahagi ng kanyang isipan. Isinama lang niya ito sa luto. He even helped.
Ayaw umalis ni Sebastian sa unit niya at sa totoo lang, ayaw din naman niyang itaboy ang binata. Ayaw niyang magmukhang mataray dito. Hindi niya maikakaila ang katotohanan na gusto niya rin naman itong kasama, na masaya siyang kausap ito. Halos alas-dos na nang magutom sila. Magiging bastos naman siya kung magluluto siya at hindi niya isasama sa luto si Sebastian at itataboy ito.
Simpleng carbonara na maraming bacon at cheese ang kanyang iniluto, ngunit waring nananaba ang kanyang puso sa mga papu
