"I'M sorry, Miss Bria. Pero wala po si Sir Frank dito," sagot ng secretary ni Frank nang minsang puntahan niya ito sa opisina nito. Hindi kasi niya ito ma-contact kaya sinadya na lang niya itong puntahan sa opisina nito pero personal itong kausapin.
Gusto kasi ni Bria na kausapin si Frank. Napagpasyahan niyang ngayong araw na nila kausapin ang mga magulang nito para aminin ang totoo. Sa totoo lang ay medyo kinakabahan siya sa posibleng maging reaksiyon ng magulang ni Frank sa pagsisinungaling niya, lalo na sa magiging reaksiyon ni Tita Dana na botong-boto sa kanya para sa anak nitong si Frank. At alam din niyang ganoon din si Tito Franco at sa mga kapatid nito.
Pero alam niyang maiintindihan siya ng mga ito kung nagpaliwanag siya ng maayos.
Mas kabahan ka kapag nalaman nila ang konek
