SOBRANG bilis ng t***k ng puso ni Bria dahil sa kaba nang sandaling iyon habang nakatingin siya sa lalaking bagong dating na lumapit kay Ate Danielle ng sandaling iyon. Hindi nga din niya inaasahan na muli niyang makikita ang mga ito sa loob ng anim na taon. Inakala ni Bria na hindi na niya muling makikita pa ang mga ito, na hindi na muling magtatagpo ang landas nila dahil maraming taon na ang nakalipas. Pero mali pala siya sa inaakala, maliit lang talaga ang mundo.
"I was looking for you. Nandito ka lang pala." Narinig ni Bria na wika ng lalaki sa nakakatandang kapatid nito.
Pero parang walang narinig si Ate Danielle dahil hindi man lang nito nagawang sagutin ang lalaki, nanatili kasi itong nakatingin sa kanilang dalawa ng anak. She seemed startled upon seeing them, especially when she
