Nakamasid ako sa may ibaba ng veranda habang ang mga kaibigan ni Jaren ay naroroon at nagkakasayahan kasama si Stacy. May iilang babae rin na kasama ang mga ito pero kung susumahin sa tingin, hindi ito tulad ng mga babaeng una kong nakita na kasama nila. Hindi kasi masyado iyong nakikihalubilo sa mga lalaki bagkus ay ang iba ay nasa cellphone nag tuon ng pansin o ‘di kaya ay nakalubos ang kalahati ng katawan sa pool habang nakikipagkwentuhan sa iba roon.
Ang iba naman ay katabi ng sa tingin ko ay nagsamang kaibigan ni Jaren at nakikiinom kahit papaano. Naramdaman ko si Jaren sa aking likuran, dumungaw din sa mga kaibigan.
Tumikhim ako.
“Bakit hindi mo sila samahan doon? Tutal naman ay maayos na ang pakiramdam ko?”
Nilingon niya ako at bumuntong hininga.
“Let them be. Nasamahan ko
