Lumabas na ako ng bahay nila at bumalik na sa amin. Napadungaw naman na muna ako sa terrace nila at nadatnan na nandoon pa rin si Dereo habang naka-upo lang kaya napa-iling na lang ako. Sana naman ay matauhan din 'yang si Derek at kahit ako ay naaawa na sa sitwasyon niya. Matalino siya pero pagdating sa pag-ibig ay nagiging tanga, pero hindi rin naman namin siya masisisi lalo na at first love niya rin naman talaga si Janelle.
Pumasok na ako sa loob ng bahay at nadatnan na nakatulog na pala si Papa. Agad na lang din akong nagpahinga at maaga pa ang pasok namin bukas.
Kinaumagahan, dahil maaga pa akong nagising ay nakasabay ako kay Derek papuntang school. Hinahatid kasi siya ng isa sa driver nila kaya hindi ko na kailangan pang mag tricycle. Nagulat naman ako nang makita ko siyang may bitb
