SELENA
"Hey.... Okay ka lang?"
Ang pagdaiti ng kamay ni Frank sa palad ko ang pumukaw sa akin. Magkaharapan kami ngunit mistulang hindi ko siya nakikita. Waring tumatagos ang mga paningin ko sa kaniya. Ni hindi ko pa rin pala nagagalaw ang pagkain ko. We were supposed to be on our date pero wala sa pakikipag-date ang pokus ng isip ko.
"S-Sorry..." hingi ko ng paumanhin saka kinuha ang fork at table knife.
"You're thinking again of what happened," aniya na hindi inaalis ang mga mata sa akin.
"Sorry," muli kong nasabi. "Kinakabahan kasi ako."
Tatlong araw na mula nang maganap ang kaguluhan sa kasal. Talagang desperado si Xavi na maibalik si Lianna kaya nag-alsa balutan siya at tinungo ito sa Quezon Province. Handa raw niyang patunayan na hindi totoo ang sinabi ng lumitaw na babae. He
