CHAPTER FIFTY THREE
CINDY
"Ingat Ma'am!"
Ngumiti lang ako sa mga restaurant staff na nagkakaniya-kaniya nang paalam sa akin. Dumating na kasi ang co-manager ko para umasikaso sa dinner dine ng restaurant. Of course I smiled back even when I don't feel to. Ewan ko ba, pero pakiramdam ko ay ang lungkot-lungkot ko, tinatamad tuloy akong magkikilos, pero siyempre hindi puwede dahil kailangan kong magtrabaho.
Malungkot ako, oo, at hindi ko na iyon kayang itanggi. Tatlong linggo nang wala si Rappy sa Pilipinas. Biglaan ang pag-alis niya dahil sa biglaan din naman ang sakit ng dad niya. Bigla na lang tumawag si Kate sa kaniya at sinabing inatake raw sa puso ang daddy niya, pero nang tumawag daw si Kate ay ayos na ang ama niya sa hospital, pero siyempre nagmamadali pa rin siyang matugunan ang
