CHAPTER FIFTY TWO
KATELYN
"What's your plan?" kaagad na tanong ni Rappy sa akin pagkapasok niya ng sasakyan. Nakapahinga ang kamay niya sa manubela habang nakabaling sa akin.
Hindi kaagad ako nakasagot, tanging pagbagsak lang ng ulo ko sa backrest ang nagawa ko habang nakatingin sa windshield ng kotse niya, lutang. Kalalabas lang namin ng clinic ni Dra. Charlotte Herry, ang OB na kaibigan ni Rappy at siyang tumingin sa akin.
Nang sabihin kanina ng OB na buntis nga ako, hindi ko alam kung ano ba ang una kong dapat maramdaman. Magiging masaya ba ako, matatakot, manghihinayang o magsisisi? Oo nga't magkakaanak na ako at nasa wastong edad na, dapat ay maging masaya ako dahil sino nga bang babaeng ayaw magkaanak? Pero paano ako magiging masaya kung alam kong wala ang ama ng magiging anak ko
