CHAPTER FIFTY ONE
KATELYN
Kaagad akong humingi ng tulong para madala si Tito Vatch sa pinakamalapit na hospital. Puno ng kaba ang dibdib ko habang nasa byahe, nasa kandungan ko ang ulo niya at walang malay. Para bang pahina ng papel ang mga alaala na isa-isang umiimahe sa isipan ko. Ang mga panahon na natanggap namin ni Rappy ang balitang wala na si Tita Pauline. Bukod sa pag-aalala kay Tito Vatch at sa takot sa maaring mangyari sa kaniya, natatakot din ako para kay Rappy. Ayokong maranasan niya uli ang pangungulila sa magulang. Lalo na't alam kong kahit hindi pa sila ganoon ka-close ni Tito Vatch, minsan niya nang inamin sa akin ang importansya nito. Kung bakit mas pinili niyang patawarin na lang ito matapos silang iwan ni Tita Pauline noon. Idagdag pa na sariwa pa sa aking damdamin ang
